دسمبر جانے والا ہے سو تم بھی اب چلے جاؤ
مری آنکھوں کو میرے خواب لوٹا کر بھلے جاؤ
وہ نیلی جھیل کا روشن مگر گیلا کنارہ
وہ چہرہ چاند کرنے والا تیرا استعارہ
جو گزرا تھا تمھارے ساتھ ہی وہ وقت سارا
وہ چھوٹا سا مکاں کہتے تھے جسکو گھر ہمارا
وہ جذبے وہ سماں وہ وقت بھی تم ساتھ لے جاؤ
دسمبر جانے والا ہے سو تم بھی اب چلے جاؤ
افق تک ساتھ تھا ہم نے تو چلنا یاد ہے نا ؟
تھا ڈالے ہاتھ میں ہاتھوں کو بڑھنا یاد ہے نا ؟
کہ بس میرے لئے تھا روز سجنا یاد ہے نا ؟
نہیں تھا لوگوں کی باتوں سے ڈرنا یاد ہے نا ؟
وفا کی ٹوٹی رسموں کے الاؤ میں جلے جاؤ
دسمبر جانے والا ہے سو تم بھی اب چلے جاؤ
تھےتم تو قسمیں کھاتےسر پہ رکھ کے ہاتھ میرے
تھے کہتے مشکلوں میں تم کھڑے ہو ساتھ میرے
تو کیسے غیر کے تھامے ہیں چھوڑے ہاتھ میرے
تری یادیں بچیں ہیں تم کہاں ہو ساتھ میرے
نہ میری سوچ کی تم آستیں میں یوں پلے جاؤ
دسمبر جانے والا ہے سو تم بھی اب چلے جاؤ
💔🥀
